Charter Document - 03360197
| Charter Number: | 03360197 |
|---|---|
| Cartulary Title: | Worcester 1062-1185 Volume 33 |
| Charter Language: | Latin |
| Charter Origin: | Religious |
| Charter Type(s): | Arbitration |
| Date: | 1170 - 1172 |
| Date type: | Assigned |
| Resource Link(s): |
eCartae - Actes des évêques d'Évreux |
Charter:
Notum sit tam presentibus quam futuris quod ego Rogerus Wigorn episcopus et Egidius Ebroicensis episcopus consilio et assensu dilecti fratris nostri Victoris abbatis Sancti Georgii et Ivonis archidiaconi Rothomagensis qui nobiscum arbitri assidebant super questionem que vertebatur inter abbatem Beccensem et abbatem Lirensem de ecclesia de Brueland et omnibus pertinentiis ejus inspectis instrumentis et presumptionibus et testibus hinc inde diligenter examinatis et depositionibus eorum in scripto redactis in presentia domini et patris nostri Rotrodi Rothomagensis archiepiscopi absolvimus abbatem Lirensem et monasterium ejus a petitione abbatis Beccensis et monasterii sui venientesque Beccum in presentia ejusdem abbatis Beccensis et quorumdam monachorum scilicet Eustachii prioris Roberti de Aureis Vallibus cantoris Isembardi sacriste Ricardi camerarii Hunfridi elemosinarii Rogeri de Bardovilla Henrici de Buketot magistri Willelmi de Asprevilla Hugonis de Sarnaico qui ex parte conventus late sententie assenserunt eandem sententiam absolutionis iteravimus prefatam ecclesiam de Bruerland cum omnibus decimis et pertinentiis suis et nominatim decimis de feudo Gadonis abbati Lire et monasterio Lirensi adjudicantes Ne ergo super eadem re in posterum possit eis controversia moveri prefatam sententiam presentis scripti attestatione et sigilli nostri munimine corroboravimus