Charter Document - 03360195
| Charter Number: | 03360195 |
|---|---|
| Cartulary Title: | Worcester 1062-1185 Volume 33 |
| Charter Language: | Latin |
| Charter Origin: | Religious |
| Charter Type(s): | Permission |
| Date: | 1164 - 1179 |
| Date type: | Assigned |
| Resource Link(s): |
|
Charter:
Rogerus dei gratia Wigorn episcopus universis sancte matris ecclesie filiis salutem Quia ad nostre amministrationis spectat officium locis religiosis pia dispensatione providere ut qui divino in eis mancipantur officio abundantius habeant unde pauperibus et necessitatis incommoda sustinentibus largius amministrent idcirco omnium cognitionem tenere desideramus nos religionis et hospitalitatis intuitu ecclesiam de Hanleia ecclesiam de Fecheham ecclesiam de Chegcheworda cum universis decimationibus et ceteris obventionibus et omnibus ad eas de iure pertinentibus usibus monachorum Lirensium salva honesta sustentatione vicarii in ea ministraturi in perpetuum concessisse et ne futuris temporibus in irritum debeat revocari hanc nostre concessionis largitionem episcopali auctoritate roborasse Testibus []