Charter Document - 03360178
| Charter Number: | 03360178 |
|---|---|
| Cartulary Title: | Worcester 1062-1185 Volume 33 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1164 - 1179 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit Rogerus Dei gratia Wygorn[iensis] episcopus salutem in Domino Noverit universitas vestra nos concessisse et auctoritate episcopali confirmasse dilectis in Cristo filiis abbati et monachis sancti Petri Glouc ecclesiam de Heythrop cum decima eiusdem ville et terra presbyteri quam Ernulfus de Hesding eis donavit in liberam et perpetuam elemosinam Concessimus etiam et auctoritate episcopali confirmamus eisdem quinque marcas nomine pensionis de ecclesia beate Marie ante abbatiam cum decimis omnibus tam vilenagii quam dominii de Mayesmore et de Berthon et de Bernewode de Hupton cum aliis omnibus pertinentiis que hactenus possederunt in perpetuum habendas et in proprios usus convertendas Concessimus etiam eis et auctoritate episcopali confirmamus viginti solidos nomine pensionis de ecclesia sancti Iohannis in Glouc et decem solidos de ecclesia de Mattresdon quos hactenus possederunt per manus vicariorum in eisdem ecclesiis sibi invicem succedentium in perpetuum percipiendos Quas concessiones et confirmationes ut futuris temporibus rate maneant et inconcusse presenti scripto et sigilli nostri patrocinio perpetuavimus []