Charter Document - 03360168

Universis sancte matris ecclesie filiis Rogerus Dei gratia Wig ecclesie minister salutem Ad universorum referimus notitiam quod cum causa que vertebatur inter Albinum abbatem de Derl et Hubertum filium Radulfi super manerio de Cruch nobis pariter et Roberto priori de Kenelworth a summo pontifice delegata fuisset cessante appellatione terminanda ita etiam ut si eius executioni ambo non possemus interesse alter nostrum eam nihilominus exequeretur partibus ante nostram presentiam constitutis et memorato priore de Kenulworth absentiam suam urgenti necessitate excusante predicta causa hoc modo sopita est Predictus Hubertus filius Radulfi concessit et sigilli sui munimine confirmavit in perpetuum predictis canonicis terras de Pentriz et de Rippel et de Ulkerthorp et terram illam de Chillewell que pertinet ad predictum manerium de Pentriz quam pater eius eis dedit et Radulfus filius Stephani eis postmodum concessit tenendam de se et de heredibus suis liberam et quietam ab omni servitio quod ad eum pertineat excepto regio servitio quod ipsi canonici facient per manum Huberti et heredum eius post eius decessum Et si ita acciderit quod aliquis evincat predictam terram adversus canonicos Hubertus non tenebitur eis facere aliquam recompensationem pro eadem terra Preterea concessit Hubertus eisdem canonicis in manerio de Cruch partem nemoris per metas subscriptas scilicet per semitam illam Fridenesti ex transverso usque ad Fridesseford per aquam de Derewent usque ad Cruchebroc et per Cruchebroc usque ad cilitium montis et a cilio montis per metas illas que facte sunt inter Sideweie et cilitium montis usque ad Fridenesti que vadit ad Turlokebode a parte boreali Hanc prenominatam partem nemoris concessit Hubertus predictis canonicis in dominico et proprietate perpetuo possidendam ne aliquis hominum Huberti aliquid inde capiat nisi per canonicos Porcos uero de dominico abbatie quos adgistare voluerint in parte illa nemoris quietos habeant de pannagio per totum nemus predicti manerii de Cruch Et porci quos Hubertus adgistare voluerit in bosco suo communionem habeant in parte nemoris canonicorum Preterea Hubertus concessit canonicis ecclesiam de Cruche sicut pater suus eam eis concesserat cum omnibus ad eandem ecclesiam pertinentibus ut eam ita plene et libere et quiete teneant et habeant sicut eam tenuerunt et habuerunt cum possessionibus illis quas habuit ecclesia die Purificationis sancte Marie proximo post captionem Willelmi regis Scotie Et quicumque manserit in terra ecclesie de Cruch habebit porcos suos proprios quietos de pannagio per warentum abbatie et communionem de ceteris aversis suis propriis cum hominibus Huberti Propter has donationes et concessiones quas eis fecit Hubertus predictus abbas et totus conventus de Derb per abbatem qui in predicta causa procuratorem cum litteris ratihabitionem continentibus constituerant iuri suo quod asserebant se habere in manerio de Cruch penitus renuntiauerunt et querelam suam et terram quietam clamaverunt predicto Huberto et heredibus suis Privilegia vero canonicorum que habent a summo pontifice et confirmationes domini regis et episcopi Coventr in quibus terra illa de Cruch cum ceteris possessionibus suis canonicis confirmata fuit quia in parte illa deleri non poterant ulterius Huberto vel heredibus suis in parte ille nichil nocebunt Facta est autem hec conventio anno dominice incarnationis MCLXXV mense Septembri x kalendarum eiusdem mensis apud Wig in presentia nostra et memoratus Hubertus tactis sacrosanctis evangeliis iureiurando eam firmiter tenendam affirmauit et sepe dictus Albinus abbas coram posito evangelio et inspecto in verbo veritatis eam se firmiter servandam confirmavit Hiis testibus