Charter Document - 03360145
| Charter Number: | 03360145 |
|---|---|
| Cartulary Title: | Worcester 1062-1185 Volume 33 |
| Charter Language: | Latin |
| Charter Origin: | Religious |
| Charter Type(s): | Announcement |
| Date: | 1151 - 1157 |
| Date type: | Assigned |
| Resource Link(s): |
|
Charter:
I[ohannes] Dei gratia Wygorn[ensis] episcopus omnibus sancte Marie Wygorn ecclesie fidelibus salutem Notum facimus tam presentibus quam futuris quod virgatam terre de Paumere quam antecessores Osberti aurifabri tenuerant et habuerant eidem Osberto reddidimus ut feudum suum et hereditatem Et concessimus eam sibi et heredibus suis tenendam de nobis et successoribus nostris iure hereditario liberam et quietam ab omnibus consuetudinibus ad nos pertinentibus pro v solidis annuatim reddendis vel pro v solidatis rationabilis operis ex officio suo Et quoniam volumus ut hec concessio rata et stabilis inperpetuum permaneat carta nostra cum sigilli impressione eam confirmavimus Hiis testibus Godefrido archidiacono Ricardo de Guanci Iohanne et Algaro canonicis Lanthon Godardo et Roberto et Eudone et Hamone et Rogero clericis nostris Roberto filio Colingi Willelmo de Marais Hugone marescallo