Charter Document - 03360129
| Charter Number: | 03360129 |
|---|---|
| Cartulary Title: | Worcester 1062-1185 Volume 33 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1151 - 1157 |
| Date type: | Assigned |
| Resource Link(s): |
|
Charter:
Iohannes Dei gratia Wigorn[ensis] episcopus omnibus sancte matris ecclesie filiis tam presentibus quam futuris salutem Notum vobis facimus quoniam libertatem ab omni servitio et consuetudine ad episcopum vel eius ministros pertinentibus concedimus ecclesie sancte Marie de Lanthon et regularibus fratribus ibidem Deo servientibus tam ei quam eius appenditiis scilicet ecclesie sancti Audoeni cum capellis ad eam pertinentibus capella videlicet intra castellum capella sancte Kineburge capella de Heccamsteda capella de Elmoura capella de Quedesleya de eodem feodo Quam videlicet libertatem beate memorie Symon episcopus prefate ecclesie de Lanthon in eius dedicatione prius concesserat Preterea sedem unius gorti in Sabrina apud Sestaneslade liberam et quietam concedimus ecclesie de Lanthon quam quidem predictus episcopus Symon dedit [in] excambium unius modii vini a Theoldo predecessore suo et nostro ecclesie de Lanthon collati et eidem ecclesie concessit Osmundo etiam camerario concedente similiter eidem ecclesie partem sedis eiusdem gorti suo feodo pertinentem Has itaque libertates et in ecclesiis et in gorto concedimus et episcopali confirmamus auctoritate et scripti nostri munimine et sigilli nostri impressione corroboramus Hiis testibus Radulfo priore Wygorn Godefrido et Gervasio archidiaconis Hardingo et Radulfo canonicis de Oseneya Ricardo de Guanci et aliis