Charter Document - 03360081
| Charter Number: | 03360081 |
|---|---|
| Cartulary Title: | Worcester 1062-1185 Volume 33 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1147 - 1150 |
| Date type: | Assigned |
| Resource Link(s): |
|
Charter:
Simon humilis Dei gratia Wigorn[ensis] ecclesie minister universis sancte Dei ecclesie fidelibus salutem Quoniam precedentium parit oblivionem et temporum diuturnitas et memorie labentis infirmitas gesta nostri temporis tanquam litterarum manu porrigere posteritati curavimus Dignum itaque duximus notificari presentibus atque futuris clericis et laicis nos assensu et petitione domine nostre Aelidis regine concessisse et in perpetuam elemosinam dedisse ecclesie de Rading et monachis ibidem Deo militantibus omnes ecclesias de Berkeleiahernes videlicet ipsam ecclesiam de Berkel[eia] cum omnibus appendiciis suis et ecclesiam de Chamma cum omnibus appendiciis suis et ecclesiam de Erlingeham et ecclesiam de Wottona cum omnibus appendiciis suis et ecclesiam de Beverstan et ecclesiam de Almodesburia cum omnibus appendiciis suis et insuper duas prebendas quas due moniales optinere solebant in predicta ecclesia de Berkel[eia] cum omnibus consuetudinibus et pertinentiis pretaxatis ecclesiis adiacentibus Volumus igitur et auctoritate episcopali precipimus ut prenominata ecclesia de Rading[ia] prelibatas ecclesias cum prebendis sanctimonialium bene et in pace et honorifice salvo in omnibus episcopali iure et personarum canonice receptarum teneat et inconcusse possideat Testibus Hilario Cicestr[ensi] episcopo et Ricardo decano de Cicestr Warino canonico de Arundel et multis aliis