Charter Document - 03360080
| Charter Number: | 03360080 |
|---|---|
| Cartulary Title: | Worcester 1062-1185 Volume 33 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1125 - 1142 |
| Date type: | Assigned |
| Resource Link(s): |
|
Charter:
Simon Dei gratia Wigornensis episcopus Warino priori ecclesie Wirecestrie et omnibus archidiaconis suis et omnibus fidelibus et filiis Wigornensis ecclesie salutem et paternam benedictionem Notificamus dilectioni vestre quod Rog[erius] de Pilherdingtune in dedicatione ecclesie de Rokintuna in presentia mea totam parrochiam et decimam de Pileneie cum omnibus rebus eidem parrochie pertinentibus predicte ecclesie de Rokintun absque omni calumpnia et retractione inconcusse inviolabiliterque in perpetuum tenendas concessit sicut pater suus donationem inde super altare predicte ecclesie ponendo firmius meliusque concesserat Volo itaque et episcopali auctoritate precipio ut supramemorata ecclesia de Rokint[una] parrochiam et decimam de Pileneia cum omnibus rebus eis pertinentibus sine omni diminutione inquietatione et molestia honorifice et in pace teneat sicut supra memoravimus patrem predicti Rogerii de Pileneia eundemque Rog[erium] dedisse et concessisse Valete