Charter Document - 03360078
| Charter Number: | 03360078 |
|---|---|
| Cartulary Title: | Worcester 1062-1185 Volume 33 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1148 - 1150 |
| Date type: | Assigned |
| Resource Link(s): |
|
Charter:
Venerabili fratri et amico G Dei gratia Hereford[ensi] episcopo Symon eadem gratia Wygorn[ensis] episcopus salutem et fraternam dilectionem Dum in patria nostra quadam vice moraremur venerabilis memorie predecessor vester tanquam advocatus concessit fratribus ecclesie de Lanthon ecclesiam de Prestebur tunc temporis vacantem et tanquam vicarius Wygorn ecclesie qui nobis absentibus vice nostra fungebatur eandem ecclesiam dedit et per manum Turstini archdiaconi nostri canonice investivit Quod factum post redditum nostrum ratum habuimus et habemus Precamur igitur paternitatem vestram quatinus tam rationabili facto predecessoris vestri gratuite benivolentie assensum prout decet prebeatis Valete