Charter Document - 03360075
| Charter Number: | 03360075 |
|---|---|
| Cartulary Title: | Worcester 1062-1185 Volume 33 |
| Charter Language: | Latin |
| Charter Origin: | Religious |
| Charter Type(s): | Record |
| Date: | 1144 - 1148 |
| Date type: | Assigned |
| Resource Link(s): |
|
Charter:
Symon Dei gratia Wygorn[ensis] episcopus omnibus episcopatus sui filiis ceterisque sancte ecclesie fidelibus tam presentibus quam futuris omnibus salutem Anno ab incarnatione domini MCXXXVII dedicavi ecclesiam regularium canonicorum extra muros Gloec in honorem Dei et memoriam beate Marie semper virginis Et quia pium semper esse dinoscitur paci et quieti religiosorum providere eadem die qua prefata ecclesia dedicabatur pro Dei et religionis amore et domini Milonis Hereford comitis pia devotione et petitione concessi eidem ecclesie et suis appenditiis scilicet ecclesie sancti Audoeni cum capellis ad eam pertinentibus capella videlicet intra castellum capella sancte Kineburge capella de Heccamhesteda capella de Elmoura capella de Quedesleya de eodem feodo hanc libertatem ut ab omni servitio et consuetudine que ad episcopum Wygorniensem pertinebant sive ad ministros episcopales libera foret deinceps et emunis inperpetuum excepto quod prelatus ipsius ecclesie si episcopus eum summonuerit vel summoneri preceperit veniet ad sinodum eius vel ad magnam aliquam causam eius si in villa Gloec vel foris propius tractabitur Teste Roberto episcopo Hereford Gervasio archidiacono Rierico priore sancti Dionisii de Dirhurst et aliis