Charter Document - 03360072
| Charter Number: | 03360072 |
|---|---|
| Cartulary Title: | Worcester 1062-1185 Volume 33 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1142 |
| Date type: | Assigned |
| Resource Link(s): |
|
Charter:
Symon Dei gratia Wygorn[ensis] episcopus Willelmo priori totique conventui Lanth ecclesie salutem Concedo et episcopali auctoritate confirmo ecclesie vestre et vobis vestrisque successoribus inperpetuum omnes elemosinas illas quas Rotbertus de Chandos dedit ecclesie vestre in episcopatu meo scilicet ecclesiam de Brocworth cum dimidia hyda terre quam eatenus habuerat hanc terram ita confirmo prefate ecclesie libere possidendam sicut ea die qua eam dedicavi Idem Rotbertus presens assistens clamavit eam quietam et liberam fecit ab omnimodo servitio et consuetudine deinceps inperpetuum similiter et mansionem iuxta cimiterium a parte occidentis ad opus sacerdotis vestri cum exitibus suis necessariis Nichilominus confirmo vobis terram quam vocant Nortboscum quam prefatus Rotbertus postmodum dedit ecclesie vestre in perpetuam elemosinam donationem insuper duorum ex sartorum quam Ricardus de Broch concessu Rotberti dedit in elemosinam ecclesie vestre liberam penitus ab omni servitio de quibus sepe factus Rotbertus condonavit perpetualiter redditum xx denariorum qui pro altero ex sarto dari solebant Itidem vobis confirmo et quascunque elemosinas de suo iure deinceps ipse vel aliquis suorum superaddere voluerit in Wygornensi parochia Valete Conservantibus hec pax et merces a Deo bonorum omnium retributore violantibus autem et conturbantibus ultio iusti iudicis Dei inperpetuum et anathema nisi condigne satisfecerint