Charter Document - 03360066
| Charter Number: | 03360066 |
|---|---|
| Cartulary Title: | Worcester 1062-1185 Volume 33 |
| Charter Language: | Latin |
| Charter Origin: | Religious |
| Charter Type(s): | Record |
| Date: | 1135 - 1141 |
| Date type: | Assigned |
| Resource Link(s): |
|
Charter:
Symon Wygorn[ensis] episcopus omnibus sancte ecclesie filiis salutem et eternam in Cristo benedictionem Volo vos non ignorare Mylonem de Glouc perpetuo donasse in elemosina medietatem manerii de Berninton infirmis de Dudestan hoc ipsum confirmante Roberto Hereford episcopo dum vice mei absentis eorum dedicaret capellam Hocque sic datum et confirmatum laudavit et confirmavit venerande memorie rex H cuius tempore hoc factum fuisse perhibetur Quod et ego quoque ad propria revertens approbo et auctoritate episcopali sancio et confirmans caritative moneo immo et sub anathematis tenore prohibeo ne quis vestrum super hoc vel aliquid aliud karitatis beneficium eis collatum seu deinceps conferendum violentie manum extendat sed ulterius vestri permissione pace inconcussa degentes suaque possidentes adepta delictorum venia apud Deum vobis suffragari mereantur cuius vos retributio eterne felicitatis maneat dicentis quod uni ex minimis meis fecistis et mihi fecistis Valete