Charter Document - 03360059
| Charter Number: | 03360059 |
|---|---|
| Cartulary Title: | Worcester 1062-1185 Volume 33 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1141 |
| Date type: | Assigned |
| Resource Link(s): |
|
Charter:
Simon Dei gratia Wigorn[ensis] episcopus omnibus sancte Dei ecclesie fidelibus salutem Noverit universitas vestra nos dilectis filiis canonicis regularibus de Kenill canonice concessisse et episcopali auctoritate confirmasse inperpetuum ecclesiam de Brailes cum capella de Tanewrtha et cum omnibus pertinentiis suis ecclesiam de Wellesburna cum capella de Waltona et cum capella de Cherlecot et cum omnibus pertinentiis suis ex dono comitis de Warewich ecclesiam de Kineton cum omnibus pertinentiis suis ecclesiam de Saltforda cum capella de Eccleshale et cum capella de Witlakesford ex dono Henrici regis ecclesiam de Budiford cum omnibus pertinentiis suis Hec igitur omnia presentis scripti pagina eis confirmamus et sigillo nostro communimus anathematis vinculo innodantes omnes qui huic nostre confirmationi contraire et prenominatas eorum possessiones temere perturbare presumpserint Testibus Willelmo Cumin Gervasio archidiacono de Gloucestr Pagano capellano meo Ogero decano