Charter Document - 03360022
| Charter Number: | 03360022 |
|---|---|
| Cartulary Title: | Worcester 1062-1185 Volume 33 |
| Charter Language: | Latin |
| Charter Origin: | Religious |
| Charter Type(s): | Record |
| Date: | 1097 |
| Date type: | Internal, A.D., Episcopal |
| Resource Link(s): |
British Library - Cotton MS Tiberius A XIII (f190r) |
Charter:
Aeterni genitoris cum inclita prole sanctoque paraclito in tribus tripudiantis personis atque in una usia deifice omnium seculorum iura sola sua gubernantis potentia sermo regit quicquid mortalium subiacet visibus necnon queque clandestinis nature clausulis hominum adduntur obtutibus In cuius onomate ego Samson munificentia Dei presul dedi unam ecclesiam in villa que dicitur Heortlabiri ad usus monachorum in Wigornensi civitate ut illa pacifice utantur cum hida terre et cum decimis ibi iuste pertinentibus Omnipotens Deus illos custodiat qui hoc donum custodire studuerint et qui violare temptaverint sciant se rationem reddituros in tremendo examinis die Conscripta est autem hec donatio anno incarnationis Domini nostri Iesu Cristi millesimo XCVII indictione v epacta iiii in anno ii episcopatus mei hoc est factum Nomina autem hec testium qui huic mee donationi et interfuerunt et consenserunt Ego Samson episcopus Wigornensis ecclesie consentio Ego Gotselinus archidiaconus Baiocensis Ego Frithericus Ego Ricardus Ego Ricardus Ego Willelmus