Charter Document - 03360007

On Drihtnes naman Hælendes Cristes is þ Wulstan b on Drihtnes naman hæfd gerædd wid his leofan gebrodra þe him getreowe synd for Gode and for worulde Ðæt is þonne ærest Æthelwig abb on Eofesham and Wulfwold abb on Ceortesige and Ælfsige abb on Badan and þa gebrodra and Eadmund abb on Perscoran and Rawulf abb on Wincelcumbe and Særle abb on Gleweceastre and Ælfstan decanus on Wigraceastre Ðæt is þ we willad georne gehyrsume beon Gode and Sancta Marian and Sancte Benedicte and us sylfe gerihtlæcan swa neah swa we nyhstmagon þam rihte and beon swa swa swa hit awriten is quasi cor unum et anima una and we willad urum woruld hlaforde Willelme cinincge and Mahthilde þære hlæfdian holde beon for Gode and for worulde And habbe we us gerædd betweonan to ure saule þearfe and to ealra þara gebrodra þe us underþeodde synd þe munuchades synd þ is þ we willad beon on annesse swylce ealle þas VII mynstras syn an mynster and beon swa hit her beforan awriten is quasi cor unum et anima una Ðæt is þ we ælcerewucan singan II mæssan on ælcum mynstre synderlice for eallum gebrodrum monandæge and frigedæge And wite se brodur þe capitula mæsse wuca bid þ þas mæssan gefordige for þa gebrodra þe libbende synd and for ælcan fordfarenan breder ælc þæra þinga fore don swylce hig ealle ægædere on anum mynstre wæron And nu is þara abboda cwydrædene þ hig willad beon Gode gehyrsume and heora bisceope to heora gemænelicum þearfe þ is þ heora ælc sceal don an C mæssan and of his agenra handa gebycge and an C þearfendra manna gebadige and þa fedan and ealle þa gescygean and ælc singe himsylf VII mæssan and him foredon XXX nihta his mete beforan him and ænne pænig on uppan þam mete God us gefultumige þ we hit þus motan gelæstan and mid suman gode geeacnian Sic fiat Ðis synd þara gebrodra on Eofesham þ is ærest Ægelwig abb and Godric abb and Ægelwine decanes and Ordmær and Godefrid and Þeodred Regnold and Eadric Ælfwine and Eadwig Colling and Leofwine Ælfric and Wulfwine Sired and Bruning Ælmær and Ælfwine Ægelric and Ægelwyrd Dunning and Sægeat Uhtred and Eadweard Eadmund Ulf Brihtric Wulfsige Sexa Ælfwine Wlmær Ægelwig Ðis syndon þara brodra naman on Ceortesige þ is ærest Wulfwold abb and Ælfward and Sælaf Oter and Godwine Æþestan and Eadgar Eadmær and Godwine Ælfwine and Benedict Siwine and Alfwold Brihtnoþ and Ælfric Godric and Ælfric Oswold and Ælfric and Wulfward and Wulfric Ðis syndon þara gebrodra naman on Badan þ is ærest Ælfsige abb and Ælfric Leofwig and Hiedewulf Ælfwig and Ægelmær Eadwig and Godwine Ægelwine and Oswold Ælmær and Þeodwold Eadric Ægelmær Sæwulf Þured Ægelric and Hærlewine and Godric munuc on Mældmesbyrig ealswa ure an ealswa Wulfwerd Pites brodor on Tantune