Charter Document - 03360006
| Charter Number: | 03360006 |
|---|---|
| Cartulary Title: | Worcester 1062-1185 Volume 33 |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1077 - 1095 |
| Date type: | Assigned |
| Resource Link(s): |
|
Charter:
Hec est conventio inter episcopum W[ulstanum] et priorem T[homam] et fratres de Wirecestra et inter abbatem Alwinum et fratres de Rameseya quatinus utrumque monasterium in omnibus commune sit et unum in gratia videlicet beati presulis Oswaldi qui Ramesense monasterium primitus construendo et dedicando et Wigornense possidendo utrumque in Domino complectitur Et hoc placet ut pro unoquoque defuncto fratre utriusque congregationis xxx dies pleniter agantur et prebenda fratris per xxx dies in elemosinam detur Pro episcopo vero et priore Wigornensi et pro abbate Ramesensi per integrum annum sua prebenda ad elemosinam mittatur et in omnibus habeant fratres alterutrum hinc et inde suum locum et in qualibet necessitate suum refugium