Charter Document - 03359019
| Charter Number: | 03359019 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1243 - 1248 |
| Date type: | Assigned |
| Resource Link(s): |
|
Charter:
Omnibus Cristi fidelibus presentes literas inspecturis W Dei gratia Norwicensis episcopus eternam salutem in Domino Noverit universitas vestra quod cum vicaria de Hulmo per mortem Iohannis de Hapisburg capellani vacare cepisset et nobis per inquisiti factam dominum Thomam de Blunvill predecessorem nostrum dictam vicariam iam dicto Iohanni capellano de facto contulisse nos ob hoc solum attendentes dictam vicariam ad nostram pertinere donationem ipsam Thome capellano de Norwich pietatis intuitu contulimus Accedens vero ante dictam collationem et postea sepius coram nobis dominus W de Tregos rector dicte ecclesie de Hulmo pro se et pro patrono suo domino Iohanne Extraneo rationes inducens quod ad nos dicta collatio de iure non spectabat pro se et pro patrono suo appellans et instanter petens dictam vicariam persona tui suo consolidari demum ponderatis rationibus ut iuri consonis in hoc convenimus amicabiliter quod dicto Thome capellano de consensu dictorum rectoris et patroni remaneat dicta vicaria toto tempore suo preter domos ecclesie quas ex ordinatone nostra dictus rector sibi retinet ita tamen quod quandocumque dictus capellanus dictam vicariam per mortem naturalem seu civilem dimiserit absque omni contradictione vel a nobis vel ab aliquo successore nostro plene accrescat et consolidetur libere dicta vicaria dicto persona tui in perpetuum Sustinebit autem dictus vicarius dum ibidem fuerit omnia onera dicte ecclesie episcopalia et archidiaconalia In huius vero rei testimonium presentibus literis sigillum nostrum apposuimus Dat apud Gaywud iiii kalendas Augusti pontificatus nostri anno quarto Valete semper in Domino