Charter Document - 03359017

Omnibus Cristi fidelibus ad quos presens scriptum pervenerit Willelmus Dei gratia episcopus Norwicensis salutem in Domino Cum inter caritatis opera sacra sanctorum limina visitare in conspectu altissimi non immerito sit acceptum nos de Dei misericordia gloriose virginis genetricis eius et beati Pauli apostoli necnon et omnium sanctorum meritis confidentes omnibus parochianis nostris et aliis quorum dioecesani id ratum habuerint vere contritis et confessis qui ecclesiam cathedralem sancti Pauli London anniversario dedicationis ipsius die vel aliquo die octavarum orationis causa pro devotionis affectu visitaverint vel ad eiusdem ecclesie fabricam aliquid de bonis a Deo sibi collatis contulerint triginta dies de iniuncta sibi penitentia misericorditer relaxamus concedentes hanc nostram relaxationis gratiam perpetuo duraturam Dat London tertio idus Septembris anno Domini MCC quadragesimo primo