Charter Document - 03359016
| Charter Number: | 03359016 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1240 |
| Date type: | Internal, Calendar, Episcopal |
| Resource Link(s): |
|
Charter:
Omnibus sancte matris ecclesie filiis presens scriptum visuris Willelmus Ralegh Dei gratia episcopus Norwicensis salutem in Domino Nimia paupertas dilectorum filiorum prioris et conventus sancte Fidis de Horsham et eorum grata devotio nos vehementius exhortantur ut gratie ianuam quam frequentius extraneis aperimus misericorditer pandamus eisdem Ipsorum igitur necessitati pie compatientes de dilectorum in Cristo filiorum Simonis prioris et conventus nostri Norwicensis assensu dedimus et concessimus predictis priori et conventui sancte Fidis ecclesiam de Hor ad eorum advocationem spectantem in proprios usus suos imperpetuum possidendam cuius etiam possessiones vacante sede Norwicensi per abbatem de Derham vices domini Cantuariensis tunc gerentem de facto fuerant assecuti salva ipsius ecclesie perpetua vicaria per nos sub forma subscripta taxata ad quam iidem nos et successores nostri voluerimus perpetuo presentabunt Consistit autem ipsa vicaria in toto altaragio eiusdem ecclesie et decimis molendini et feni et in omni genere legali et in tota libera terra ipsius ecclesie cum decima eiusdem et in manso competenti iuxta ecclesiam et in omnibus ad ipsam ecclesiam pertinentibus preter grangiam monachorum et decimam garbarum et in duabus marcis annuis percipiendis in perpetuum in duabus synodis Norwicensibus a predictis priore et conventu Vicarius vero onera ipsius ecclesie tam episcopalia quam archidiaconalia debita et perpetuo sustinebit Quod ut perpetuam Obtineat firmitatem presens scriptum tam sigilli nostri quam capituli nostri Norwicensis munimine duximus roborandum Hiis testibus magistris Rogero archidiacono Sudburie Willelmo de Clara et Waltero de Exon Iohanne de Chelebauton Iohanne de Leominster Ricardo de Fretun Thoma de Breccles et Willelmo de Dunkeswell clericis et aliis Dat per manum Philippi de Sydeham capellani nostri apud Norwicum kalendis Decembris pontificatus nostri anno secundo