Charter Document - 03359015
| Charter Number: | 03359015 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1232 |
| Date type: | Internal, Episcopal, Feast |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Thomas Dei gratia Norwicensis episcopus salutem in Domino Ad universorum notitiam volumus pervenire nos Dei causa et gratia in religionis favore concessisse et presenti carta confirmasse dilectis nobis in Cristo canonicis et monialibus de Simplyngham ecclesiam sancti Andree de Buxton cum omnibus ad ipsam pertinentibus habendam et tenendam [et] in proprios usus perpetuo possidendam [salva] Richardo de Kirkeby vicaria centum solidorum in eadem subscriptis portionibus taxata in hunc modum videlicet quod dictus Richardus habebit totum alter agium prefate ecclesie et totam liberam terram ecclesie cum messuagio ad vicariam assignato et decimam provenientem de aula scilicet tertiam garbam spectantem ad ecclesiam predictam item decimam proveni enem de crofto Hervei de Lenn scilicet de xx acris terre item totam decimam feni proveni de aula et parochianis in eadem villa ad quam vicariam quotiens vacare contigerit dicti canonici et moniales de Symplyngham personam idoneam quamcumque voluerimus nobis et successoribus nostris presentabunt et presentatam admittemus et si forte omiserint vel neglexerint presentare nos et successores nostri nihilominus personam quamcumque voluerimus dictis canonicis et monialibus irrequisitus vicarium in eadem instituemus Dictus autem vicarius pro tempore onera ordinaria debita et consueta dicte ecclesie sustinebit salvis etiam in omnibus reverentia et obedientia nobis et successoribus nostris et sacrosancte ecclesie Norwicensis consuetudinibus debitis et consuetis In cuius rei testimonium presentes litteras fieri fecimus et sigillo muniri Dat apud Elmham die sancti Dionisii sociorumque eius pontificatus [nostri] anno sexto