Charter Document - 03359002
| Charter Number: | 03359002 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1188 - 1200 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Iohannes Dei gratia Norwicensis episcopus salutem in Domino Ad universorum volumus pervenire notitiam nos concessisse et dedisse Galfrido de Sai clerico perpetuam vicariam ecclesie omnium sanctorum de Cheleswurth et ipsum in illa ecclesia canonice perpetuum vicarium instituisse ad presentationem magistri Iordani de Ros eiusdem ecclesie persone assensu venerabilis viri domini Sampsonis abbatis de sancto Edmundo iam dicte ecclesie patroni solvendo annuatim de illa ecclesia persone eiusdem ecclesie duos solidos nomine pensionis ad sinodum de Hoxe proximam post Pascha Hanc itaque vicariam cum omnibus ad memoratam ecclesiam pertinentibus prenominato G clerico confirmamus Et ut hec nostra concessio et institutio perpetuam obtineat firmitatem eam presenti scripto et sigilli nostri patrocinio communimus Testibus Thoma archidiacono Eustachio Willelmo capellanis Roberto de Chipenham magistro Lamberto