Charter Document - 03351116
| Charter Number: | 03351116 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1229 - 1251 |
| Date type: | Assigned |
| Resource Link(s): |
Reference Document for this Embedded Document |
Charter:
Universis Cristi fidelibus presentes litteras inspecturis Hugo Dei gratia Elyensis episcopus salutem in Domino sempiternam Cum dominus Matheus de Luvein miles pro se et heredibus suis quietas clamaverit Henrico de Helegeya rectori ecclesie de Ratlesden decem et octo acras terre arabilis cum pertinentiis in Ratlesden quas dictus Henricus vendicabat esse ius ecclesie sue predicte et per compositionem quandam inter eos initam concesserit et dederit eidem Henrico et successoribus suis in dicta ecclesia tres acras terre arabilis pro quatuor acras terre arabilis iacentibus in campo qui vocatur Rodescroft quas dictus Henricus a dicto Matheo petebat necnon concesserit ac dederit in escambium eidem Henrico et successoribus suis et ecclesie prefate septem acras terre arabilis cum pertinentiis in Ratlesden pro quinque acris bosci quas dictus Henricus vendicabat esse ius ipsius ecclesie ita quod tota terra predicta inperpetuum remaneat sibi et successoribus suis et ecclesie antedicte quieta et soluta ab omni seculari exactione et ab omni secta curie et demanda et dictus dominus Matheus et heredes sui warantizabunt et defendent dictas tres acras terre pro quatuor antedictis acris per tactam compositionem datas et dictas septem acras pro quinque acris bosci concessas predicto Henrico et successoribus suis et ecclesie sue predicte contra omnes gentes inperpetuum sicut in scripto inter eos confecto continetur Nos attendentes illud factum esse in utilitate sepedicte ecclesie quod factum est in hac parte approbamus ratum habemus et quantum ad patronum pertinet tenore presentium confirmamus In cuius rei testimonium huic scripto sigillum nostrum fecimus apponi