Charter Document - 03351081
| Charter Number: | 03351081 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Remission |
| Date: | 1250 |
| Date type: | Internal, A.D., Calendar |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Walterus miseratione divina Norwicensis ecclesie minister humilis salutem in Domino sempiternam Cum inter cetera caritatis opera sacra sanctorum limina visitare in conspectu altissimi non immerito sit acceptum nos de Dei misericordia gloriose Dei genetricis Marie beati doctoris gentium apostoli Pauli et omnium sanctorum meritis confidentes omnibus de nostra diocesi vel aliis quorum diocesani hanc nostram indulgentiam ratam habuerint qui ad fabricam ecclesie beati Pauli London cum sit magna et magnos sumptus exigat pias elemosinas de bonis sibi a Deo collatis pie duxerint conferendas quinque eandem ecclesiam in anniversario dedicationis orandi gratia humiliter adierint et devote si de peccatis suis vere contriti fuerint et confessi triginta dies de iniuncta sibi penitentia misericorditer relaxamus Dat London nonis Octobris anno Domini millesimo ducentesimo quinquagesimo