Charter Document - 03351006
| Charter Number: | 03351006 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1257 |
| Date type: | Internal, A.D., Calendar, Episcopal |
| Resource Link(s): |
|
Charter:
Universis Cristi fidelibus Walterus miseratione divina episcopus Norwicensis salutem in Domino sempiternam Constitutis in presentia nostra domino Roberto de Scalis et priorissa et monialibus de Blakebergh obligarunt se firmiter priorissa et moniales predicte quod perpetuis temporibus habebunt et etiam sustinebunt quemdam capellanum in domo sua de Blakebergh missam in honore beate Marie virginis gloriose pro anima dicti Roberti et animabus omnium antecessorum et successorum suorum diebus singulis celebrantem qui capellanus per moniales electus dicto Roberto et heredibus suis presentabitur et in ipsius vel heredum suorum presentia iuramentum prestabit quod fideliter prout est ordinatum servitium faciet antedictum Quod si capellanus ipse propter incontinentiam vel aliam in honestatem vel etiam eo quod convictus fuerit legittime de periurio commisso pro servitio ipso non facto a domo ipsa debeat amoveri hoc de consensu fiat et consilio utriusque tam videlicet dicti domini Roberti et heredum suorum quam etiam monialium predictarum quod si super huiusmodi amotione inter ipsos dissentio exoriatur per diocesanum qui pro tempore fuerit vel etiam officiarium loci ratione licita amoveatur quo amoto loco ipsius alius substituatur qui sub forma prescripta dicto Roberto et heredibus suis presentabitur et iuramentum prestabit et sic fiet de singulis substituendis ibidem Et si contingat quod amoto vel etiam mortuo capellano ipso moniales ipse alium infra mensem eligere neglexerint et domino Roberto et heredibus suis apud Southreynham si ibidem vel ibi prope fuerint presentare si per ipsas steterit quo minus presentetur tunc Robertus memoratus et heredes sui ea vice eligent capellanum et episcopo presentabunt Et ne hoc iudicium valeat inposterum revocari tam sigillum nostrum quam et commune sigillum dictarum priorisse et monialium presentibus est appensum Actum apud Hevyngham septimo kalendas Maii pontificatus nostri [anno] tertio decimo et anno Domini millesimo CC quinquagesimo septimo