Charter Document - 03351003
| Charter Number: | 03351003 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1246 - 1248 |
| Date type: | Assigned |
| Resource Link(s): |
Reference Document for this Embedded Document |
Charter:
Omnibus Cristi fidelibus ad quos presentes littere pervenerint de Benetleia et de Hermodesworth priores iudices a domino papa delegati salutem Universitatem vestram volumus non latere quod cum olim anno Domini MCCXL septimo coram nobis auctoritate apostolica questio verteretur inter abbatem et conventum Becci ex parte una et Walterum tunc rectorem ecclesie de Magna Wratting Norwicensis diocesis ex altera super quibusdam decimis quas dicti monachi percipiebant et percipere debebant in dicta parochia de Wratting dictis monachis causam agentibus per fratrem Willelmum de Guinevill procuratorem eorum generalem tunc temporis habentem specialem componendi potestatem et aliquamdiu processum esset in causa tandem inter partes super predictis decimis amicabilis compositio intercessit sub hac forma quod dictus W rector vel eius successores qui pro tempore fuerint nomine dictorum monachorum dictas decimas unacum omnibus aliis quas percipiebant tunc temporis dicti monachi vel percipere debebant in dicta parochia de Wratting de dominico Petri de Thaleword etiam sinon alia fuerint de eodem dominico provenientia exceptis dumtaxat si que dictis monachis de alio dominico inposterum conferantur in eadem parochia inperpetuum possidebunt reddendo inde annuatim dictis monachis vel eorum assignato apud Stokes viginti et octo solidos sterlingorum bone et legalis monete ad duos anni terminos ad purificationem beate Marie virginis quatuordecim solidos et ad nativitatem beati Iohannis Baptiste quatuordecim solidos ita tamen quod si W rector vel aliquis successorum suorum in dicte pecunie solutionem ultra quam debuerit cessaverit liceat dictis monachis dictarum decimarum absque aliqua contradictione vel impedimento nulla propter hoc eis pena civili vel canonica infligenda libere ingredi possessionem vel si maluerint contra dictos rectores agere ad dictam pecuniam nomine decimarum consequendam cum in utilitate ecclesie parochialis potius quam dictorum monachorum hec compositio sit provisa In cuius rei testimonium tam signa nostra quam signa partium presentibus litteris apponi fecimus Dat anno Domini MCCXLVII