Charter Document - 03350194
| Charter Number: | 03350194 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1258 - 1266 |
| Date type: | Assigned |
| Resource Link(s): |
|
Charter:
Omnibus Cristi fidelibus presens scriptum visuris vel audituris Symon divina permissione Norwycensis episcopus salutem in Domino Noveritis nos unanimi assensu et voluntate capituli nostri Norwycensis concessisse et dedisse magistro Stephano de Strummpishale Thomam filium Ade de Strumshale carpentarium hominem et nativum nostrum cum tota sequela sua ab eodem procreata et procreanda rebus catallis et possessionibus suis terris et tenementis et pertinentiis que de nobis tenuit in vilenagio in villa de Strumsale et de Breyreston pro homagio et servitio suo illi et heredibus suis vel assignatis tenendum et habendum de nobis et successoribus nostris libere quiete et hereditarie reddendo inde annuatim nobis et successoribus nostris duos solidos ad quatuor anni terminos censuales in manerio nostro de Blafeld pro omni servitio sectis curie exactione et demanda seculari In cuius rei testimonium huic scripto sigillum nostrum unacum sigillo capituli Norwycensis fecimus apponi Hiis testibus magistris Ada de Wauton et Iohanne de Wygornia Roberto de Wlvecot Willelmo de Gernemuta Willelmo de Lingwod Roberto de Catton Iohanne Tebaud et aliis