Charter Document - 03350190
| Charter Number: | 03350190 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1258 - 1266 |
| Date type: | Assigned |
| Resource Link(s): |
|
Charter:
Omnibus Cristi fidelibus presens scriptum visuris vel audituris Symon divina miseratione Norwycensis episcopus salutem in Domino sempiternam Noverit universitas vestra nos de communi assensu et voluntate capituli nostri Norwycensis dedisse concessisse et hac presenti carta nostra confirmasse Henrico de Prato de Northelmham servienti nostro de Thornham pro homagio et servitio suo totam terram quam Herveus filius Radulfi tenuit in villa de Thornham unacum duabus acris terre iacentibus apud Sunewyneshyl et tribus acris et dimidia terre que fuerunt de terra Galfridi Seym et Hervei Bunting in eadem villa habendam et tenendam de nobis et successoribus nostris totam predictam terram cum omnibus suis pertinentiis predicto Henrico et heredibus vel assignatis suis libere quiete integre pacifice et hereditarie in perpetuum reddendo inde annuatim nobis et successoribus nostris ipse et heredes sui vel sui assignati quatuor solidos sterlingorum ad quatuor terminos anni predicte ville de Thornham censuales pro omni servitio consuetudine et demanda seculari ad nos vel ad nostros successores pertinentibus salva nobis et successoribus nostris una secta curie nostre de Thornham que tenetur ad festum sancti Michaelis annuatim facienda Et ut hec nostra concessio et presentis carte nostre confirmatio omnium predictorum in perpetuum firmitatis robur optineant presens scriptum et sigillo nostro et sigillo capituli nostri Norwycensis fecimus roborari Hiis testibus domino Rogero de Mustroly milite magistris Stephano de Strumesth Ada de Wauton Iohanne de Wygorn Ada de [] nerel