Charter Document - 03350184
| Charter Number: | 03350184 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1265 |
| Date type: | Internal, A.D., Calendar, Episcopal |
| Resource Link(s): |
|
Charter:
Omnibus sancte matris ecclesie filiis presens scriptum visuris vel audituris Simon Dei gratia episcopus Norwicensis salutem in Domino sempiternam Noverit universitas vestra nos divine intuitu pietatis dedisse concessisse assignasse et presenti carta nostra confirmasse dilectis filiis nostris priori et conventui ecclesie sancte Trinitatis Norwic ecclesiam de Bliclinghe cum omnibus ad eam pertinentibus ad opus celerari sue in proprios usus perpetuo possidendam ad prebendam hospitium emendandam salvo nobis et successoribus nostris inperpetuum iure pontificali et parochiali Indulsimus etiam eis quod cum istam ecclesiam vacare contigerit liceat predictis priori et conventui vacuam eiusdem ecclesie possessionem ingredi presenti hac auctoritate a nobis eis indulta et facient in eadem ecclesia competenter ministrari per capellanos suos pro sua voluntate rationabili amovendos et admittendos In cuius rei testimonium presenti scripto sigillum nostrum fecimus apponi Hiis testibus magistro Ada de Waleton officiali nostro magistro Iohanne de Wigorn cancellario nostro magistro Iohanne de Wythio magistro Stephano de Strumeshagh senescallo nostro Roberto de Wonecot Iohanne Tebaud Iohanne clerico capelle nostre et aliis multis clericis et laicis fide dignis Dat apud Hoxn xiii kalendas Iunii anno gratie millesimo ducentesimo sexagesimo quinto pontificatus nostri anno octavo