Charter Document - 03350178
| Charter Number: | 03350178 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1265 |
| Date type: | Internal, A.D. |
| Resource Link(s): |
|
Charter:
Excellentissimo domino Henrico Dei gratia illustri regi Anglie domino Hybernie et duci Aquitannie Simon miseratione divina Norwycensis ecclesie minister humilis salutem cum reverentia obsequio et honore Cum Iohannes Malet qui se gerit pro rectore ecclesie de Sculthorp nostre dyoecesis in excommunicatione iam steterit per quadraginta dies et amplius et adhuc in salutis sue dispendium et aliorum cum ipso communicantium perseveret in eadem claves ecclesie pertinaciter contempnendo excellentie vestre supplicamus quatinus cum ecclesia Dei non habeat quid ultra faciat iuxta regni vestri consuetudinem precipiatis de eodem fieri iustitie complementum ut quem Dei timor a malo non revocat saltem cohercio secularis cohibeat a peccato Valeat excellentia vestra per tempora diuturna Datum apud Geywod kalendis Aprilis anno gratie MCCLX quinto