Charter Document - 03350176
| Charter Number: | 03350176 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1265 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino Henrico Dei gratia regi Anglie domino Hybernie et duci Aquitannie Simon miseratione divina Norwycensis ecclesie minister humilis salutem cum omni obsequio reverentia et honore Cum Willelmus rector ecclesie de Craneford nostre dyoecesis in excommunicatione iam steterit per quadraginta dies et amplius et adhuc in salutis sue dispendium et aliorum cum eo communicantium perseveret in eadem claves ecclesie pertinaciter contempnendo excellentie vestre supplicamus quatinus cum ecclesia Dei non habeat quid ultra faciat de eodem precipiatis fieri iustitie complementum ut quem Dei timor a malo non revocat saltem cohercio secularis cohibeat a peccato Valeat excellentia vestra per tempora diuturna Data Norwyc sexto kalendas Martii anno gratie MCCLX quarto