Charter Document - 03350175
| Charter Number: | 03350175 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1265 |
| Date type: | Internal, A.D., Episcopal |
| Resource Link(s): |
|
Charter:
Excellentissimo domino suo Henrico Dei gratia illustri regi Anglie domino Hibernie et duci Aquitannie Simon miseratione divina episcopus Norwicensis salutem cum obsequio reverentia honore Cum Iohannes de Saham rector ecclesie de Navelton et Radulfus de Semere rector ecclesie de Stanfeud et Thomas de la Porte de Gypwico nostre dioecesis in excommunicatione iam steterint per quadraginta dies et amplius et adhuc in salutis sue dispendium et aliorum cum eis communicantium claves ecclesie pertinaciter contempnendo persistant in eadem excellentie vestre supplicamus quatinus cum ecclesia non habeat ultra quid faciat precipiatis iuxta regni vestri consuetudinem de eisdem fieri iustitie complementum ut quos Dei timor a malo non revocat secularis cohercio cohibeat a peccato Valeat excellentia vestra in Domino per tempora longiora Datum apud Baketon in crastino Epiphanie Domini anno gratie MCC sexagesimo quarto pontificatus nostri anno septimo