Charter Document - 03350173
| Charter Number: | 03350173 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1263 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino et illustri principi domino Henrico Dei gratia regi Anglie domino Hibernie et duci Aquitannie Simon eiusdem miseratione Norwicensis ecclesie minister humilis salutem cum omni reverentia obsequio et honore Cum Iohannes Mayour de Norwico nostre dioecesis in excommunicatione iam steterit per quadraginta dies et amplius et adhuc in salutis sue dispendium et aliorum cum eo communicantium perseveret in eadem claves ecclesie pertinaciter contempnendo excellentie vestre supplicamus quatinus cum ecclesia Dei non habeat quid ultra faciat iuxta regni vestri consuetudinem precipiatis de eodem iustitie fieri complementum ut quem Dei timor a malo non revocat saltem cohercio secularis cohibeat a peccato Valeat excellentia vestra per tempora longiora Datum apud Sanctum Edmundum v kalendas Augusti anno Domini MCCLX tertio