Charter Document - 03350167
| Charter Number: | 03350167 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1262 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino H Dei gratia regi Angl ilustri domino Hibern et duci Aquit Simon miseratione divina Norwycensis ecclesie minister humilis salutem cum debita reverentia obsequio et honore Cum Adam Boleyn de Dunewyc nostre diocesis per quadraginta dies et amplius in excommunicatione steterit et adhuc in salutis sue dispendium et aliorum cum eo communicantium perseveret in eadem claves ecclesie pertinaciter contempnendo excellentie vestre supplicamus quatinus cum ecclesia Dei quid ultra faciat non habeat precipiatis de eodem iuxta regni vestri consuetudinem iustitie fieri complementum ut quem Dei timor a malo non revocat secularis saltem cohercio cohibeat a peccato Valeat reverenda dominatio vestra per tempora longa Dat apud Norwycum pridie nonas Decembris anno gratie MCC sexagesimo secundo