Charter Document - 03350164
| Charter Number: | 03350164 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1262 |
| Date type: | Internal, A.D. |
| Resource Link(s): |
|
Charter:
Excellentissimo domino Henrico Dei gratia regi Anglie illustri [domino Hibernie et] duci Aquitannie suus Simon miseratione divina Norwycensis ecclesie minister humilis salutem cum [omni reverentia obsequio] et honore Cum quidam Gilebertus de We[lle]s Willelmus Wyphoscheved Reginaldus Smelt [Rai]mundus garcio Gileberti de Welles et Symon at Holand nostre dioecesis in excommunicatione per quadraginta dies et amplius iam steterint in sue salutis dispendium et aliorum cum eis communicantium et adhuc in eadem perseverint claves ecclesie pertinaciter contempnendo excellentie vestre supplicamus quatinus cum ecclesia Dei quid ultra faciat non habeat iuxta regni vestri consuetudinem precipiatis de eisdem iustitie fieri complementum ut quos Dei timor a malo non revocat secularis saltem cohercio cohibeat a peccato Valeat reverenda dominatio vestra per tempora longiora Data London vii idus Maii anno gratie MCC sexagesimo secundo