Charter Document - 03350163
| Charter Number: | 03350163 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1262 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino Henrico Dei gratia illustri regi Anglie domino Hybernie et duci Aquitannie Simon miseratione divina ecclesie Norwicensis minister humilis salutem cum omni reverentia obsequio et honore Cum Hugo de Bruarr de Randeleston nostre dioecesis in excommunicatione iam steterit per quadraginta dies et amplius et adhuc in salutis sue dispendium et aliorum cum eo communicantium perseveret in eadem claves ecclesie pertinaciter contempnendo excellentie vestre supplicamus quatinus cum ecclesia Dei non habeat quid ultra faciat iuxta regni vestri consuetudinem precipiatis de eodem fieri iustitie complementum ut quem Dei timor a malo non revocat saltem secularis cohercio cohibeat a peccato Data Norwic vi kalendas Martii anno Domini MCCLX primo