Charter Document - 03350158
| Charter Number: | 03350158 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1258 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino H Dei gratia illustri regi Angl domino Hybernie duci Norman Aquit et comiti Andeg Simon miseratione divina Norwicensis ecclesie minister humilis salutem cum omni reverentia obsequio et honore Cum Willelmus Sturmi Alexander de Barwe Iohannes et Robertus homines ipsius Alexandri et Gilebertus Russel per quadraginta dies et amplius in excommunicatione iam steterint in salutis sue dispendium et aliorum cum eis communicantium et adhuc in eadem perseverint claves ecclesie pertinaciter contempnendo excellentie vestre supplicamus quatinus cum ecclesia Dei quid ultra faciat non habeat iuxta regni vestri consuetudinem precipiatis de eisdem iustitie fieri complementum ut quos Dei timor a malo non revocat secularis saltem cohercio cohibeat a peccato Valeat reverenda dominatio vestra semper in Domino Dat apud Ecles pridie nonas Decembris anno gratie MCCLVIII