Charter Document - 03350157
| Charter Number: | 03350157 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1258 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino Henrico regi Anglie domino Hibernie duci Normannie Aquitannie et comiti Andegavie Simon miseratione divina Norwicensis ecclesie minister humilis salutem cum omni reverentia obsequio et honore Cum Robertus de Geddingh rector ecclesie de Chelesworth Robertus le Quilter de Gedding Hugo filius Walteri de Stanton et Alicia del Aker de Wyvardeston per quadraginta dies et amplius in excommunicatione iam steterint in proprie salutis dispendium et aliorum cum eis communicantium et adhuc in eadem perseverent claves ecclesie pertinaciter contempnendo excellentie vestre supplicamus quatinus cum ecclesia Dei quid ultra faciat non habeat iuxta regni vestri consuetudinem precipiatis de eisdem iustitie fieri complementum ut quod Dei timor a malo non revocat secularis saltem cohercio cohibeat a peccato Valeat reverenda dominatio vestra per tempora longiora in Domino Datum apud Theford x kalendas Decembris anno gratie MCCL octavo