Charter Document - 03350155
| Charter Number: | 03350155 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1257 |
| Date type: | Internal, A.D., Feast |
| Resource Link(s): |
|
Charter:
Excellentissimo domino suo H Dei gratia illustri regi Angl domino Hibern duci Normann comiti Andeg et Aquit devotus suus Symon miseratione divina Norwycensis electus salutem et debitam cum omni honore et ferventi dilectione reverentiam Cum Michael rector ecclesie de Brinton nostre diocesis in sententia excommunicationis quam propter eius manifestam offensam meruit innodari per quadraginta dies et amplius iam steterit et adhuc in anime sue dispendium et aliorum cum eo communicantium claves ecclesie contempnendo pertinaciter perseveret in eadem excellentie vestre humiliter et devote supplicamus quatinus cum ecclesia ultra quid faciat non habeat iuxta regni vestri consuetudinem precipiatis de eo fieri iustitie complementum ut quem Dei timor a malo non revocat secularis disciplina cohibeat a peccato Valeat reverenda dominatio vestra per tempora longiora Dat apud Hortford die dominica proxima ante natale Domini anno gratie MCCL septimo