Charter Document - 03350138

+ In nomine patris et filii et spiritus sancti Amen Ego Walterus de Suthfeld Norwicensis episcopus sic meum condo facio et ordino testamentum In primis commendo Deo et beate Marie et beatis Anne et Egidio et omnibus sanctis animam meam et corpus meum sepeliendum coram altare beate Marie in nova capella ecclesie Norwicensis ubi inperpetuum erit monachus celebrans pro anima mea ad altare eiusdem virginis et scribetur nomen monachi in singulis ebdomadis in tabula Item prior et conventus facient aniversarium meum perpetuo et die aniversarii habebit conventus viginti solidos ad pitanciam et elemosinarius viginti solidos ad distribuendum pauperibus et pro beneficio hoc michi gratis concesso lego eidem conventui centum marcas quas si non solvero in vita mea solvantur per executores meos Item ad exequias meas faciendas lego centum libras et provideatur sollicite et fideliter quod per viam per quam contigerit corpus meum deferri larga fiat pauperibus distributio et quod ubicumque quiescat corpus usque ad completam sepulturam assint pauperes circa illud nunc senes nunc vidue nunc pueri pauperes et singulis in suo decessu detur denarius argenteus et frequenter de die et nocte mutentur Volumus etiam et precipimus quod omnia debita nostra integre et plenarie solvantur Item viginti quinque capellani requirantur in mea diocesi eiusdem diocesis sed diligenter provideatur quod sint honesti et illi uno eodemque anno si fieri potest celebrent pro anima mea et pro animabus eorum quorum bona recepi ex quacumque consuetudine Norwicensis ecclesie et pro animabus eorum quorum fui executor sive quorum bona ab intestato vel aliunde devenerunt et ad ipsorum capellanorum sustentationem lego centum marcas Item in recompensationem omnium eorum que recepi in mea diocesi quocumque titulo sive quacumque causa ex qua possim et debeam habere conscientiam lesam lego centum marcas distribuendas pauperibus mee diocesis per manus executorum meorum secundum quod melius viderint expedire Item lego ad distribuendum per maneria nostra pauperibus de maneriis in pecunia et robis per manus Willelmi de Whitewell Galfridi de Lodn et Willelmi de Pakeham centum marcas Item ad relevandos oppressos in officialitate mee diocesis lego viginti marcas distribuendos per manus Daniel de Beccles Item cathedrali ecclesie mee Norwicensi lego magnam cuppam meam cum elevaturis ad corpus Cristi reponendum et ad reliquias si voluerint Item ecclesie Norwicensi duos equos qui portent corpus meum et capellam meam sicut eam ab eisdem recepi cum uno equo Mitram siquidem non furratam que michi data fuit et baculum pontificale quem dedit michi dominus Wintoniensis lego abbatie sancti Egidii Provincie unacum viginti marcis argenti Item pro honore et beneficiis michi a Norwicensi ecclesia collatis et pro expensis et laboribus diversis circa electionem meam factis et ut aniversarii mei diem officiis divinis et elemosinis recolant ut premisimus quieti eos et plenam presto liberationem a tempore mortis mee super annua prestatione sexdecim marcarum in quibus tenebantur Martino quondam rectori ecclesie de Denham quem quidem redditum idem Martinus per cartam suam quamdiu viveret michi vel cuicumque dare vel assignare voluerimus dedit et concessit Item hospitali sancti Egidii de Norwico quod in remissione omnium peccatorum meorum construxi lego trecentas marcas et volo et precipio quod convertantur in utilitate eiusdem hospitalis de consilio magistri domus et executorum meorum Et precipio meis executoribus et fidei eorundem committo ut ipsi predictum hospitale foveant et eidem beneficiant in omnibus quibus poterunt de bonis meis ex hoc tamen generali dicto nolo quod hospitale contra executores meos aliquam competat actionem vel eisdem aliqua moveatur questio Item eidem hospitali lego cuppam deauratam que fuit beati Edmundi et semper volo quod predictum hospitale habeat predictas trecentas marcas Item firmam terre Willelmi Mauduyt quam habui in Therlinge usque ad terminum completum cum duabus carucis lego hospitali predicto salvo michi blado in horreis existente Item ad distribuendum pauperibus Norwicensis diocesis pro anima Willelmi le Enveyse et ad satisfaciendum illis quibus tenebatur in eadem diocesi lego viginti marcas et tradentur domino Rogero de Tremleye executori suo et si mortuus fuerit distribuantur per manus executorum meorum Item eodem modo et consimilibus personis mee diocesis distribuantur triginta marce pro anima Dionisii de Cottun per manus Willemi de Whitewell et si mortuus fuerit idem Willelmus distribuatur eadem pecunia per manus executorum meorum pauperibus mee diocesis et ubi natus fuit idem Dionisius Item lego viginti marcas distribuendas pauperibus parochianis de Hevingham pro anima eiusdem Dionisii Item monachis de sancta Fide unam marcam pro anima eiusdem Item lego pauperibus de Becles et Wyrlingwurth et parentibus pauperibus Galfridi de Beccles viginti marcas distribuendas inter eosdem per manus domini Philippi sequestarii nostri et Daniel de Beccles Item lego viginti marcas ad distribuendum pauperibus pro animabus Th de Brisewurth militis et Thome de Acout per manus executorum meorum in partibus de Acolt et de Brisewurth mee diocesis Item lego viginti marcas distribuendas pauperibus in mea diocesi pro anima Petri de Hautboys per manus domini Hamonis de Calethorp et executorum meorum si idem H moriatur Item lego viginti marcas distribuendas pro anima Thome de Cressingham in villa de Cressingham et pauperibus vicinis per manus executorum meorum et Willelmi de Cressingham Item domino regi lego unam cuppam et unum palefridum et motam canum meorum Item ad luminare altaris beate Virginis in nova capella Norwic do et assigno decimas de dominicis de Thornham perpetuo et viginti marcas ad redditum comparendum per executores meos Item unicuique domui fratrum predicatorum et minorum mee diocesis lego quinque marcas Item communitati fratrum predicatorum et minorum Anglie lego triginta marcas Item pauperibus scolaribus Oxon centum solidos Item ad reparationem ecclesie de Suffeld viginti marcas Item pauperibus eiusdem parochie pro anima Ricardi rectoris eiusdem viginti marcas et aliis pauperibus mee diocesis lego pro anima eiusdem Ricardi viginti marcas Item lego sexaginta marcas ad distribruendum pauperibus mee diocesis in maneriis eiusdem diocesis ubi dotata fuit Matildis comitissa Warann pro anima eiusdem Item viginti marcas lego pauperibus mee diocesis distribuendas pro anima Ricardi de Wendovere socii mei per manus executorum meorum Item domine Ele sorori mee unum anulum pretii viginti solidorum Item Agneti de Therling sorori mee unum anulum eiusdem pretii Item Ele nepti mee centum solidos ad providendum sibi de sustentatione victus in reclusorio Item pueris Iohannis de Baningham senioris qui redditum non habent quinqe marcas et eodem modo pueris Henrici de Ingewurth Item aliis pauperibus consanguineis meis maxime ex parte matris lego viginti marcas distribuendas eisdem in mea diocesi per manus executorum meorum et secundum ordinationem eorundem Item pauperibus parochianis meis de Wintertun et de Sumerton quatuor marcas Item pauperibus parochianis meis de Burgo in Fleg quatuor marcas Item pauperibis parochianis meis de Burgo in Suffolch quatuor marcas et ad capellam sancti Botulphi in eadem parochia quatuor marcas Item pauperibus parochianis de Cressingham tres marcas Item pauperibus parochianis de Naringes tres marcas Item pauperibus inclusis mee diocesis decem marcas Item monialibus de Carhoge quinque marcas et monialibus de Campese quinque marcas Item monialibus de Blaberge duas marcas Item domui ubi moratur mater fratris Iohannis de Stamford quadraginta solidos Item fratri Radulfo de Huntedon parvam bibliam meam quam emi de eius consilio Item anchorite de Thornham lego quod in mea carta quam habet continetur Item pauperibus parochianis meis de Therlinge de Hoxne et de Thornham quindecim libras et distribuantur in victu et vestitu anachorite de Suffeld unam marcam et anachoritis de Stratton unam marcam anachoritis de Massingham scilicet nepte mee et socio eiusdem viginti solidos Item hospitali sancti Iohannis Lenn quinque marcas hospitali sancti Egidii de Norwico firmam terre Willelmi Mauduyt in Therlinge usque ad terminum meum completum cum duabus bonis carucis cum toto blado in horreis ibidem invento et cum omni stauro vaccarum bidentium et porcorum Item archidiacono Norwic fratri meo anulum qui fuit domini Rogeri fratris mei et magnam cuppam meam de mazre de qua bibo in mensa Item Waltero nepoti meo unam cuppam Decretum meum quod fuit magistri Iohannis de Offington Summam Hugeci quam habet magister Iohannes de Atleberg de presto nostro item omnes libros theologie quos emi de executoribus magistri Ade de Bromholm item Decretales meas et libros filosophie eidem lego et fidei eius committo ut ipse pro anima mea singulis annis quoad vixerit die Assumptionis beate virginis Marie pascat centum pauperes item tribus annis sequentibus mortem meam quolibet anno faciet celebrare unum annuale item quolibet die quoad vixerit et fuerit domo sua unum ante ipsum pro anima mea reficiat pauperem Item Willelmo fratri suo de Calethorp totum ferrum meum scilicet arma unum ciphum pulcrum cum pede unum anulum cum smaragdine et quia multa bona feci eidem fidei eius committo ut die Assumptionis beate Virginis singulis annis quoad vixerit pascat centum pauperes pro anima mea item singulis diebus ante se unum pauperem reficiat in prandio et quod qualibet septimana per capellanum suum in capella sua faciat celebrare unam missam pro anima mea Item Willelmo de Whitewell fideli et caro meo ymaginem beate Marie quem michi dedit magister Rogerus de Raveningham item tabulam pictam de manu magistri Petri item duos libros sermonum item zonam meam magnam qua cingatur cum senuerit item ciphum meum de quo bibo cum patena Item Willelmo de Pakeham unum ciphum argenteum cum pede et psalterium meum et quoniam nichil nisi mors nos separare potuit anime mee benefacere studeat Item Galfrido de Lodnes maritagium heredis Rogeri de Wichingham ciphum meum qui vocatur Godet item album ciphum de mazre item viginti marcas argenti fidelitas sua sufficienter rogabit ipsum benefacere anime mee Item hospitali sancti Egidii bibliam quam emi a magistro Symone Blundo item ciphum de quo pueri pauperes bibunt Item domino H custodi dicti hospitalis sancti Egidii unum ciphum pulcrum cum pede et missale quod ipsemet michi fieri fecit Item archidiacono Colecestr unum anulum magistro Herveo de Fakeham unum anulum magistro Hugoni de Corbrig ciphum cum pede et bibliam meam spissam pulcram sed falsam Item Egidio capellano unum mazre unam cappam bene furratam missale quod michi dedit Rogerus de Granario unum ciphum argenteum et quinque coclearia argentea Item Willelmo clerico capelle quadraginta solidos et librum canticorum qui fuit Iohannis Bygot Item Mattheo capellano quinque marcas et unam de melioribus robis meis Item Willelmo de Wychingham unum ciphum cum pede et centum solidos argenti Hugoni de Camera totum lectum meum exceptis culcitris de serico quas unacum omnibus reliquiis meis lego hospitali sancti Egidii Et volo quod si ita longe moriar a mea ecclesia quod corpus meus aperiatur cor meum sepeliatur in capella hospitalis in concavitate facienda in muro iuxta altare Item H de Caylli remitto totum quod michi debet et unum anulum lego uxori eius Item Radulfo de Crakeford unum ciphum Reginaldo de Refham quinque marcas Item Iohanni coco quinque marcas Gilberto salsario unam liberationem videlicet victum et vestitum sufficienter et congrue in dicto hospitali et fiat ei super hoc carta Ade palefridario centum solidos Coleman quinque marcas Hugoni le Buteler quinque marcas Wakke quatuor marcas Iohanni hostiario quinque marcas Thoward centum solidos Semanno de coquina quinque marcas Item Gille duas marcas Galfrido de Lodn quondam hostiario coquine duas marcas Radulfo hostiario camere tres marcas Galfrido pistori tres marcas Item Nicholao braciatori viginti solidos Capun viginti solidos Item parvo Symoni triginta solidos Iohanni carectario tres marcas et unam de secundis robis Ricardo carectario tres marcas Dusing triginta solidos Hobbe carectario viginti solidos Rogero carectario qui est apud Hoxn tres marcas Item Symoni feratori tres marcas Item Galfrido vigili unam marcam Item Matildi lotrici viginti solidos Item Stephano nuntio duas marcas Wyndelaboys decem solidos Willelmo nuntio meo proprio centum solidos Buleys decem solidos Petro pistori viginti solidos et sociis suis viginti solidos Willelmo braciatori viginti solidos et garcionibus suis unam marcam Item duobus pagis meis Nicholao et Willelmo tres marcas Gase decem solidos Item Sandre decem solidos Neve decem solidos Item Banigham qui custodit sumarium lecti mei unam marcam duobus aquatoribus coquine cuilibet quindecim solidos Martino de coquina unam marcam Roberto ki dort unam marcam Item Galfrido hostiario coquine unam marcam Godwino de coquina decem solidos Item Willelmo peletario Henrico sutori et Ricardo sutori unicuique quinque solidos Item Galfrido de Camera viginti solidos Trot et Nicholao Syre et Gwyliot unicuique quinque solidos et tantumdem Warde de Hasingham Ingeram Scot nudo Cruste et garcioni vigilis unicuique tres solidos Item garcioni Willelmi de Wichingham et garcioni Hugonis de Camera unicuique dimidiam marcam Item Willelmo de Foceston clerico unum ciphum de argento Danieli de Becles unum ciphum cum pede et viginti marcas pro bonis que habui de magistro W de Horham computatis michi omnibus expensis quas feci circa ecclesiam de Grundesburg Item debeo Hugoni capellano de Dingineton viginti marcas Item lego decem marcas distribuendas pauperibus de Burnedis per manus executorum meorum de consilio domini rectoris ecclesie de Dingineton Item Willelmo de Pakeham iuniori quinque marcas Osberto Trenchefolie duas marcas Roberto de Ilsington duas marcas Willelmo de Lega duas marcas Item magistro Nigello unum anulum Item hospitali sancti Iohannis Oxon viginti solidos hospitali Magdalene de Norwico viginti solidos Item priori et conventui de Bromholm remitto quicquid isti michi debent ac si michi remittant omnia que de eis habui Item leprosis mee diocesis per se vel communiter habitantibus centum solidos secundum ordinationem executorum meorum Item cuilibet leproso venienti ad meas exequias duos denarios Item cuilibet anachorite Norwic die sepulture mee sex denarios preter commune legatum Item Iohanni carpentario tres marcas Iohanni cementario tres marcas Item cementario qui vivit apud Caham unam marcam ad perficiendum opus quod fecimus inchoari in feretro beati Edmundi de Pontiniaco viginti marcas fratri Ricardi cementarii scolari tres marcas Iohanni capellano sancti Egidii unum anulum Roberto capellano de hospitale sancti Egidii sustentationem in dicto hospitali et fiet ei carta Item reparationi pontium per episcopatum duas marcas et unam marcam ponti de Cattiwade Item domui de Weybrig duas marcas hospitali de Bek unam marcam fratri Philippo de Flicham duas marcas Item Roberto vicario de Ludham ciphum cum pede Thome de Bukeham ciphum argenteum Iohanni de Northelmham ciphum argenteum Ricardo de Branteston quinque marcas Roberto de Crakeford quinque marcas Willelmo de Hevingham quinque marcas Willelmo de Harpele quinque marcas Galfrido de Crakeford unum anulum Roberto servienti de Baketon quatuor marcas servienti de Wykes viginti solidos Willelmo de Anglia quatuor marcas Scoto de Hoxn quatuor marcas Scoto de Therling quinque marcas Pruet apud Geywud tres marcas Willelmo Sopere unam marcam Shynnyng unam marcam Hamoni de Fincham viginti solidos Willelmo fabro meo viginti solidos Iohanni Stuket tres marcas Waltero de Grey servienti Lond viginti solidos Item Ade senescallo meo Lenn centum solidos et preter hoc assigno ei decem marcas quolibet anno quamdiu fuerit senescallus pro expensis suis Item Ricardo aurifabro meo Lenn tres marcas Item pro animabus eorum qui michi servierunt et mortui sunt per executores meos duo fiant annualia in mea diocesi Item viginti marce tradentur domino H capellano magistro hospitalis sancti Egidii ad erogandum pro anima mea in mea diocesi locis et personis quibus viderit expedire Iohanni clerico scriptori curie nostre viginti solidos Ade de Wichingham viginti solidos Gotte de Suthelmham tres marcas Ade warnario de Eccles viginti solidos et in communi omnibus warnariis meis tres marcas secundum ordinationem executorum meorum Item cuilibet garcioni qui habet per annum robam integram de me et cui non est specialiter aliquid legatum lego dimidiam marcam Item fratri meo qui post me reget ecclesiam Norwicensem lego cuppam meam antique fabrice et Dominus disigna eum in via salutis eterne et post Norwicensem ecclesiam specialiter ei commendo hospitale sancti Egidii et omnes nos servientes qui michi et ecclesie mee in omnibus fidelissime servierunt et ob hoc do eis benedictionem Dei et meam et si in aliquo deliquerunt totum eis remitto et quantum possum a peccatorum nexibus absolvo In nomine patris et filii et spiritus sancti Filiis meis monachis de Norwico lego duas marcas ad unam pitanciam die sepulture mee et unum dolum de meliori vino meo et post illum unum hospitali Galfrido de Lodn Willelmo de Pakeham et Willelmo de Whitewell cuilibet unum et similiter cuilibet executori conventui de Strafford ad unam pitanciam decem marcas Item decem marce dentur magistro de Semplingham pro nigro palefrido quem nobis misit Et ad hoc testamentum meum perficiendum assigno et lego argentum et aurum iocalia et equos blada seminata et non seminata wardas et firmas et omnia que michi pro eisdem debentur et quecumque habeo in bonis mobilibus et immobilibus et hominibus et quecumque mea sunt vel esse debent quocumque nomine censeantur Omnia tamen que michi debentur pro sequestris sive etiam ipsa sequestra tempore mortis mee ipsis ecclesiis et pauperibus parochianis integre lego et assigno Huius autem testamenti executores constituo Walterum de Calethorp nepotem meum Galfridum de Lodn Willelmum de Whitewell Willelmum de Pakeham dominum Hamonem magistrum hospitalis sancti Egidii magistrum Hugonem de Corbrig et Willelmum de Wichingham Dat apud Hoxn et perfectum die Lune proximo ante festum sancti Iohannis Baptiste anno Domini millesimo ducentesimo quinquagesimo sexto et pontificatus mei anno duodecimo