Charter Document - 03350136
| Charter Number: | 03350136 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1245 |
| Date type: | Internal, A.D., Calendar, Episcopal |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Walterus miseratione divina Norwicensis episcopus salutem eternam in Domino Inter ceteras Ierusalem filias circumquaque diffusas illas nos decet studiosius ac sollicitius honorare que in honore gloriose virginis Marie sunt constructe Quocirca dilectis in Cristo filiis abbati et conventui sancte Marie Ebor octo marcas annuas nomine perpetui beneficii in ecclesia de Banham nostre diocesis de consensu capituli nostri caritative concessimus videlicet sex marcas annuas ad opus ipsorum abbatis et conventus et duas marcas annuas ad opus celle sue de Romburg a rectore eiusdem ecclesie qui pro tempore fuerit ad duas sinodos Norwicenses percipiendas In cuius rei testimonium has litteras nostras patentes fieri fecimus eisdem Hiis testibus magistro Herveio de Kakeham domino Ada de Wrdestede magistro Willelmo de Horham magistro Ada de Bromholm domino Iohanne Malet domino Thoma Bigot Thoma de Walcot clerico et aliis Dat apud Norwicum iii kalendas Aprilis anno Domini MCCXL quinto pontificatus nostri anno primo