Charter Document - 03350134
| Charter Number: | 03350134 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1245 - 1253 |
| Date type: | Assigned |
| Resource Link(s): |
|
Charter:
Omnibus Cristi fidelibus presens scriptum visuris vel audituris Walterus Dei gratia Norwycensis episcopus salutem in Domino sempiternam Dilectorum filiorum abbatis et conventus de Derham pie religionis attendentes fervorem necnon elemosinas et beneficia que omnibus et singulis ad domum suam confluentibus incessanter inpendunt ut ecclesia parochiali sancti Andree in qua fundatur quam etiam in proprios usus habent libera integritate fruantur ne ferventi eorum caritati aliquo perturbante refrigescendi prebeatur occasio de consensu capituli nostri invocata spiritus sancti gratia eis duximus concedendum ut per capellanos ydoneos periculo suo eligendos et pro voluntate sua amovendos memoratam ecclesiam faciant deserviri ita quod cura animarum in eadem solicite geratur nobisque et successoribus nostris competenter in aliis respondeatur In cuius rei testimonium presenti scripto signum nostrum fecimus apponi Hiis testibus Radulfo de Insula archidiacono Colecestr et multis aliis