Charter Document - 03350128
| Charter Number: | 03350128 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1253 |
| Date type: | Internal, A.D., Feast |
| Resource Link(s): |
|
Charter:
Universis Cristi fidelibus presentes literas audituris vel visuris Walterus Dei gratia episcopus Norwicensis salutem in Domino sempiternam Quoniam per inquisitionem invenimus vicariam in ecclesia de Cremplisham actenus non fuisse taxatam licet aliqui in eadem certas habuerint portiones ne de taxatione vicarie predicte futuris temporibus hesitetur eam duximus sic taxandam Consistit vicaria in toto alteragio ecclesie memorate et medietate feni et in una acra libere terre ecclesie antedicte et vicarius sustinebit sinodalia et expensas librorum et aliorum ornamentorum ecclesie sepedicte salvis priori et monachis de Stokes omnibus decimis bladi et medietate decime feni et dicti monachi reficient cancellum et solvent procurationem archidiaconi et cum vacaverit vicaria prefata presentabunt nobis vel successoribus nostris dicti monachi personam ydoneam ad eandem In cuius rei testimonium sigillum nostrum presentibus duximus apponendum Datum apud Hevingham die sancti Gregorii anno Domini MCCLII