Charter Document - 03350121
| Charter Number: | 03350121 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1252 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus presentes litteras visuris vel audituris Walterus Dei gratia Norwicensis episcopus salutem in Domino sempiternam Noverit universitas vestra nos de consensu prioris et conventus de Westacra patronorum et rectorum ecclesiarum de Marham et vicarii earundem domino Simoni de Shouldham et heredibus suis ad opus suum et familie sue liberam cantariam in capella sua de Marham concessisse sub hac formula videlicet quod capellanus in eadem ministraturus in primo suo adventu in presentia celerarii de Westacre vel alicuius ex parte sua deputati inspectis sacris evangeliis iurabit quod omnes oblationes et obventiones undecumque obvenientes matrici ecclesie eadem die qua percipiuntur vel proxima sequenti integre et absque diminutione restituet et quod nullum parochianum predicte matricis ecclesie ad confessionem seu aliquod alium sacramentum ecclesiasticum scienter admittat nisi periculum mortis immineret Erit siquidem prefata capella matrici ecclesie subiecta et in signum subiectionis predictus Simon et heredes sui cum familia sua ad matricem ecclesiam accedent diebus infrascriptis nisi corporalis infirmitas impotentia vel debilitas ipsos reddiderint excusatos videlicet die Natalis Domini die Pasche die Assumptionis beate Marie et festivitatis ecclesie cum debitis et consuetis oblationibus ad magnam missam prefatam ecclesiam veneraturi Insuper predictus Simon concessit predictis priori et conventui duodecim denarios annuatim redditus percipiendos de Waltero filio Huline et Ricardo fratre suo de Marham In cuius rei testimonium huic scripto sigillum nostrum apponi fecimus Dat apud Schouldham vi kalendas Septembris pontificatus nostri anno octavo