Charter Document - 03350120

Omnibus sancte matris ecclesie filiis ad quos presentes litere pervenerint Walterus Dei gratia Norwicensis episcopus salutem in Domino Noveritis quod cum contentio esset inter priorem et conventum de sancto Neoto ex una parte et magistrum Adam de Bromholm rectorem ecclesie de Hevenigham ex altera super annua prestatione nomine perpetui beneficii trium marcarum et dimidie ab ecclesia de Hevenigham per manum rectoris eiusdem ecclesie priori et conventui solvenda sibi ut dicebant a bone memorie predecessore nostro Thoma de Blonvill Norwicensi episcopo collata et consensu capituli eiusdem confirmata dicto magistro A dictam annuam prestationem contra generalis statuta concilii de novo impositam asserente et post multas altercationes dicte partes dictam contentionem ordinationi nostre realiter et perpetuo valiture impetratis et impetrandis specialiter renuntiando totaliter et se absolute submiserunt Nos vero auditis huiusmodi propositis tam instrumentis dicti Thome predecessoris nostri quam capituli eiusdem inspectis necnon rationibus alterius partis intellectis de permissione divina realiter et perpetuo sciti de prudentium consilio duximus ordinandum videlicet quod cessante prestatione dictarum trium [marcarum] et dimidie perpetuo supradicti prior et conventus habebunt duodecim acras terre de libero feodo ecclesie de Hevenigham ab omni exactione quietas et a solutione decimarum solutas et a rectore qui pro tempore fuerit contra omnes warantizandas quas duodecim acras terre ecclesie de Hubeston liberum feodum perpetuo esse et iure parochiali ipsas decimas eidem ecclesie solvi deberi decernimus salva nichilominus eisdem priori et conventui in eadem ecclesia de Heveningham annua prestatione viginti solidorum ab antiquo eis debita Et iacent dicte duodecim acre terre in parochia de Hevenigham in tredecim peciis quarum una pecia iacet inter terram Rogeri Dune ex una parte et terram Roberti filii Iohannis ex altera et abutat unum capud super terram eiusdem Roberti et aliud capud super terram comitis alia pecia iacet in eodem campo inter terras hospitalis sancti Iohannis de Dunewic et abutat unum capud super terram prioris de Snapes et aliud capud super terram comitis tertia pecia iacet in eodem campo inter terram Rogeri Scarlet et terram Iohannis Regin et abutat unum capud super Stanstret et aliud capud super terram dicti hospitalis quarta pecia iacet prope ecclesiam de Hevenigham inter terram Willelmi Malffe et terram Willelmi fabri et abutat unum capud super viam ecclesie et aliud capud super terram Hugonis Hackesalt quinta pecia iacet in eodem campo inter terram Hugonis Hackesalt et viam et abutat unum capud super viam ecclesie et aliud capud super mesuagium Roberti clerici sexta pecia iacet in eodem campo inter terras Thome Garvoyse et abutat unum capud super dictam viam et aliud capud super terram Willelmi fabri septima pecia est roda que iacet iuxta rodam prioris de sancto Neoto quarum utramque habet uxor quondam Roberti Prinne octava pecia iacet prope illam rodam inter terram Hugonis Hackesalt et Thome Gargveyse et abutat unum capud super viam ecclesie et aliud capud super limitem parochie de Hevenigham et de Hubeston nona pecia iacet in declivum versus pratum inter terram vicarii de Ubeston et terram Willelmi fabri et abutat unum capud super pratum et aliud capud super terram Hugonis Hackesalt decima pecia iacet iuxta molendinum de Hevenigham inter terram Willelmi Berr et terram Hugonis famuli et abutat unum capud super terram Eudonis de Vall et aliud capud super terram Willelmi Dick undecima pecia iacet in eodem campo inter terram Ricardi Umfrei et viam regiam et abutat unum capud super aliam viam et aliud capud super terram Walteri Chel duodecima pecia iacet in Torper inter terram Willelmi fabri et Willelmi Chede et abutat unum capud super Carmedwe et aliud super terram Willelmi Berd tredecima pecia iacet in Torper superius inter terram Willelmi Blanchard et terram abbatis et conventus de Sibeton et abutat unum capud super torrentem et aliud capud super terram dictorum abbatis et conventus de quibus tredecim se clamant pacatos prior et conventus predicti pro duodecim acris terre Et ut hec nostra ordinatio realiter et perpetuo inter predictos priorem et conventum et dictum Adam tunc temporis dicte ecclesie rectorem ac Robertum de Weston eiusdem ecclesie nunc rectorem qui similiter in omnibus premissis huic nostre ordinationi se sponte supposuit necnon et quoslibet futuris temporibus predicte ecclesie rectores robur firmitatis optineat huic scripto ordinationis nostre sigillum nostrum unacum sigillo capituli nostri huic ordinationi prebentis assensum ac sigillis predictorum Ade et Roberti nunc eiusdem ecclesie rectoris fecimus apponi Hiis testibus []