Charter Document - 03350118
| Charter Number: | 03350118 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Inspeximus, Confirmation |
| Date: | 1248 |
| Date type: | Internal, Calendar, Episcopal |
| Resource Link(s): |
|
Charter:
[Universis] Cristi fidelibus ad quos presens scriptum pervenerit Walterus Dei gratia Norwicensis episcopus salutem in Domino sempiternam Noverit universitas vestra nos cartam domini Willelmi de Sparham plenius inspexisse qua dedit concessit et confirmavit duas pecias terre sue in villa de Repps magistro Willelmo rectori eiusdem suisque successoribus in excambium pro duabus peciis terre libere ecclesie memorate Et quia perpendimus predictum excambium ad utilitatem ecclesie predicte fuisse factum ratum habentes et gratum illud de consensu predicti Willelmi et domini Rogeri de Sutfeld militum prefate ecclesie patronorum auctoritate pontificali duximus confirmandum duos denarios annui redditus de Nicollao Dune et heredibus suis pro una pecia libere terre et duos denarios annui redditus ab Alexandro de Aula et heredibus suis pro una pecia libere terre ecclesie annuatim in festo sancti Michaelis solvendos de consensu dictorum rectoris et patronorum simili confirmatione ratificantes In cuius rei testimonium presens scriptum sigillo nostro duximus muniendum Hiis testibus R de Insula archidiacono Collecest W de Horham archidiacono Suffol domino Adde de Wrhsted Willelmo de Pakeham Willelmo de Qwytewell Thoma de Thya capellano Willelmo de Ludham Willelmo de Hakel et Willelmo de Hindringham clericis et aliis Datum apud Therling nono kalendas Novembris pontificatus nostri anno quarto