Charter Document - 03350105
| Charter Number: | 03350105 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1251 |
| Date type: | Internal, Calendar, Episcopal |
| Resource Link(s): |
|
Charter:
Sciant presentes et futuri quod nos Walterus de Suthfeud Dei miseratione Norwycensis ecclesie minister indignus concessimus dedimus et hac presenti carta nostra confirmavimus Deo beate Marie beate Anne beato Egidio omnibus sanctis et hospitali quod in honore eorundem fundavimus in Norwyco et magistro et fratribus in dicto hospitali servientibus omnes terras possessiones et mesuagia cum omnibus edificiis que adquisivimus in villa de Norwyco de Henrico de la Sale et Roberto de Stamford cum omnibus suis libertatibus et pertinentiis unacum ecclesiis de Calethorp Costeseya Cringelford et ecclesia sancte Marie de Walesham et totum ius quod habuimus in ecclesiis et in advocationibus earundem quas quidem ecclesias de consensu nostri capituli eidem hospitali magistro et fratribus in proprios usus perpetuo concessimus concedendas sine retenemento ad sustentationem quatuor capellanorum qui in capella dicti hospitalis in perpetuum divina celebrabunt et ad sustentationem capellanorum in diocesi Norwycensi debilitatorum et depauperat orum qui aliunde non habent unde possunt sustentari et ad sustentationem tresdecim pauperum cotidie ibidem recipiendorum et hospitandorum qui semel in die refectionem percipient ibidem habenda et tenenda magistro et fratribus dicti hospitalis eorundem successoribus et hospitali predicto libere quiete bene et in pace in perpetuum reddendo et faciendo annuatim pro nobis et heredibus nostris pro predictis terris possessionibus et mesuagiis capitalibus dominis feodorum servitia que ad predictas terras possessiones et mesuagia pertinent salvo nobis et successoribus nostris iure patronatus in hospitali memorato Et nos et heredes nostri warantizabimus acquietabimus et defendemus predictis fratribus et successoribus eorundem et hospitali predicto omnia predictas terras possessiones et mesuagia cum omnibus edificiis et libertatibus et pertinentiis suis sicut predictum est unacum ecclesiis de Calethorp Costeseya Cringelford et ecclesia sancte Marie de Walesham et ius quod in eisdem habuimus In cuius rei testimonium presenti scripto sigillum nostrum unacum sigillo capituli nostri fecimus apponi Hiis testibus magistro Nicholao archidiacono Eliensi magistro Roberto archidiacono Colecestr Iohanne Knot Hugone clerico Gerardo Knot Henrico Payn et Radulfo Gust burgensibus Nowyc Dat Norwyc kalendas Octobris pontificatus nostri anno septimo