Charter Document - 03350093
| Charter Number: | 03350093 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1247 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus has litteras visuris vel audituris Walterus Dei gratia Norwicensis episcopus salutem in Domino sempiternam Orta dissensione inter dilectos filios priorem et conventum Norwic ex parte una [et] rectorem et vicarium ecclesie de Marsham ex altera super duabus partibus decimarum de dominio nostro ibidem provenientium partibusque post aliqua intermedia nostre ordinationi omnino suppositis quamquam per instrumenta predecessorum nostrorum nobis constiterit evidenter dictas decimas dictis priori et conventui in proprios usus dudum fuisse assignatas dictosque rectorem et vicarium in eisdem nichil iure obtinere nisi quod predecessores vicarii memorati eas nomine firme possiderant predictis priori et conventui quinque solidos annuatim persolvendo pensatis tamen meritis vicarii prelibati specialiori gratia et honore non indigni sic duximus providendum partium interveniente consensu quod dictas decimas obtineat suo perpetuo tanquam firmarius reddendo annuatim quinque solidos priori et conventui memoratis quo decedente vel recedente in ipsorum sit electione dictas decimas ad firmam dimittere vel de eis tanquam de sibi appropriatis disponere prout melius viderint expedire In cuius rei testimonium presenti scripto sigillum nostrum duximus apponendum Datum apud Norwicum v kalendas Martii pontificatus nostri anno tertio