Charter Document - 03350091
| Charter Number: | 03350091 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1246 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus has litteras visuris vel audituris Walterus miseratione divina Norwicensis episcopus eternam in Domino salutem Noveritis nos de consensu dilectorum filiorum prioris et conventus Norwicensium vicariam in ecclesia de Martham quam dicti prior et conventus habent in proprios usus taxasse ad quam quotienscumque eam vacare contigerit dicti prior et conventus clericum idoneum nobis et successoribus nostris presentabunt Consistit autem dicta vicaria per nos taxata in quodam manso et in omnibus oblationibus et minutis decimis ad dictam ecclesiam pertinentibus excepta medietate decimarum turbe et feni quam medietatem dictis priori et conventui reservavimus Ad dictam siquidem vicariam hac vice dilectum filium magistrum Thomam Picardum ad presentationem dictorum prioris et conventus admisimus eique curam animarum commisimus salvis in omnibus episcopalibus consuetudinibus et nostre Norwicensis ecclesie dignitate Sustinebit autem vicarius dicte ecclesie qui pro tempore fuerit omnia onera episcopalia archidiaconialia debita et consueta In cuius rei testimonium presenti scripto sigillum nostrum duximus apponendum Hiis testibus magistro Willelmo de Suffeud Adam de Bromholm Adam de Wrstede Alexandro de Audeberg domino Iohanne de Holcham capellano Willelmo de Pakeham Thoma de Walcote Hugone de Corbrig et aliis Dat apud Norwicum ix kalendas Martii pontificatus nostri anno secundo