Charter Document - 03350087
| Charter Number: | 03350087 |
|---|---|
| Cartulary Title: | Norwich 1244-1266 Volume 32 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1254 |
| Date type: | Internal, A.D., Calendar, Episcopal |
| Resource Link(s): |
|
Charter:
Omnibus in Cristo fidelibus presentes litteras visuris vel audituris Walterus Dei gratia Norwicensis episcopus salutem in Domino sempiternam Universitati vestre tenore presentium innotescat quod nos de voluntate et assensu nobilis mulieris domine Isabelle comitisse Arundelle patrone domus de Marham concessimus et assignavimus dilectis in Cristo filiabus abbatisse et monialibus de Marham nostre diocesis in proprios usus omnes decimas maiores et minores de dominico et de curia manerii de Marham provenientes quas clerici seculares ex donatione dominorum manerii de Marham hactenus percipere consueverunt volentes et concedentes quod predicte moniales dictas decimas perpetuis temporibus libere percipiant et in usus proprios sublato cuiuslibet conditionis obstaculo sine diminutione convertant sub attestatione divini nominis districtius inhibentes ne quis ipsas in posterum super iure seu possessione dictarum decimarum iniuste gravare vel molestiam eis inferre presumat salvis in omnibus episcopalibus consuetudinibus et nostre Norwicensis ecclesie dignitate In cuius rei testimonium presenti scripto sigillum nostrum apponi fecimus Hiis testibus magistro Roberto de Insula archidiacono Colecestr Willelmo de Whitewell magistro Hugone de Corbrig Thoma de Walkote Egidio de Whitewell capellano Willelmo de Wichingham Nicholao de Surlyngham Willelmo de Bungeya clericis et multis aliis Dat apud Norwicum xii kalendas Iulii anno Domini millesimo quinquagesimo quarto et pontificatus nostri anno decimo