Charter Document - 03350083

Omnibus Cristi fidelibus presentes litteras visuris vel audituris Walterus Dei gratia Norwicensis episcopus salutem in Domino sempiternam Cum venerabilis pater dominus W de Ralegh predecessor noster dilectis filiis priori et conventui de Longavill ecclesiam sancte Marie de Wychingham in usus proprios concesserit conferendam nos ipsius concessionem ratam habentes et acceptam memoratam ecclesiam dictis priori et conventui in usus proprios conferimus concedimus et auctoritate episcopali confirmamus salva vicaria que consistit in alteragio prefate ecclesie et totali libera terra ipsius ecclesie ad quam vicariam quotienscumque ipsam vacare contigerit dicti prior et conventus quemcumque per nos vel successores nostros duximus nominandum ad eandem vicariam nobis et successoribus nostris presentabunt quod si infra tempus legittimum dicti prior et conventus personam a nobis vel successoribus nominandam ad dictam vicariam presentare distulerint nos et successores nostri ipsam vicariam irrequisito dictorum prioris et conventus assensu et consensu cuicumque voluerimus conferemus Vicarius vero qui pro tempore fuerit sustinebit omnia onera episcopalia et archidiaconalia debita et consueta Ordinamus etiam quod procurator dicti prioris qui pro tempore fuerit distribuet singulis annis duas summas pisarum pauperibus parochie de Wychingham in capite ieiunii prout melius viderit expedire salvis in omnibus episcopalibus consuetudinibus et nostre Norwicensis ecclesie dignitate In cuius rei testimonium huic scripto sigillum nostrum apponi fecimus Hiis testibus magistro Willelmo de Suffeud archidiacono Norwic magistro W de Horham archidiacono Suthfolch magistro R de Insula archidiacono Colecestr dominis Iohanne de Holcham et Thoma de Theye capellanis Willelmo de Whitewell Thoma de Walecot Willelmo de Lutham clericis Egidio de Whitewell capellano et aliis Dat apud Thorp iiii nonas Aprilis anno Domini millesimo CC quinquagesimo primo et pontificatus nostri anno vii